काठमाडौं – गणतन्त्र दिवसको अवसरमा पूर्वराष्ट्रपति विद्यादेवी भण्डारीले गणतन्त्र नेपाली जनताको अतुलनीय त्याग र कठोर संघर्षको जीवन्त प्रतिफल भएको बताएकी छन्। सामाजिक सञ्जालमार्फत शुभकामना व्यक्त गर्दै उनले यो ऐतिहासिक राजनीतिक उपलब्धि मुलुकको विकास र समृद्धिको आधार भएको धारणा राखिन्।
भण्डारीले गणतन्त्रको संरक्षण, सदुपयोग र थप विकास गर्दै समुन्नत नेपाल निर्माण गर्ने साझा जिम्मेवारीमा सबैलाई एकजुट हुन आह्वान गरेकी छन्। उनले गणतान्त्रिक मूल्य, मान्यता र आदर्शको पालना गर्दै आ-आफ्नो भूमिका निर्वाह गर्न जोड दिएकी छन्।
पूर्वराष्ट्रपतिले गणतन्त्रले मुलुकको सामाजिक-आर्थिक रूपान्तरणका लागि ढोका खोलेको बताइन्। शिक्षा, स्वास्थ्य, सूचना प्रविधि र पूर्वाधारको क्षेत्रमा प्राप्त प्रगतिलाई उनले ‘आफ्नो देश आफै बनाउनुपर्छ’ भन्ने राष्ट्रिय भावनाको विकाससँग जोडेकी छन्।
उनले मुलुकको आर्थिक विकासका प्रयासहरूलाई अझ सशक्त बनाउनुपर्ने र जनताको समृद्धिको आकांक्षालाई साकार पार्न सबैले प्रतिबद्धताका साथ लाग्नुपर्नेमा विशेष जोड दिएकी छ।