जनवाणी
काठमाडौं – नेपाली कम्युनिस्ट पार्टीले चन्द्रागीरी नगरपालिकामा नगर कार्यालय उद्घाटन गरेको छ । आइतबार नेकपा पोलिटब्युरो सदस्य तथा काठमाडौं जिल्ला इन्चार्ज माइला सीको प्रमुख आतिथ्यतामा नगरपालिका वडा नम्बर ११ स्थिति सतुङ्गलमा नगर कार्यालयको उद्घाटन गरिएको हो ।
उद्घाटन कार्यक्रममा नेकपा केन्द्रीय सदस्य तथा काठमाडौं जिल्ला सचिव चिरनजीवि सी, केन्द्रीय सदस्य धर्म सी, केन्द्रीय प्रतिनिधि समिति सदस्य तथा काठमाडौं महानगरपालिका इन्चार्ज डिआर सी, अनेमसंघ क्रान्तिकारी केन्द्रीय सदस्य तथा काठमाडौं जिल्ला इन्चार्ज विनिता सी, केन्द्रीय प्रतिनिधि समिति सदस्य प्रताप सी लगायतका नेता कार्यकर्ताको उपस्थिति रहेको थियो ।
उद्घाटन कार्यक्रममा बोल्दै माइला सीले दलाल संसदीय व्यवस्था असफल भएकाले यसको विकल्पमा नेपाली विशेषताको समाजवाद लागु गन पार्टी स्थानीय तहलाई बलियो बनाउने योजनामा रहेको बताए । उनले त्यही योजना अनुसार चन्दा्रगीरीमा पनि कार्यालय स्थापना गरेर पार्टी जनताको सेवामा लागेको जिकिर गरे ।