काठमाडौं -नेपाल कम्युनिस्ट पार्टी कालीकोट जिल्ला कमिटीले सम्राज्यवाद र दलाल पुँजीवादका विरुद्ध दृढतापूर्वक मोर्चा खडा गरौँ, समाजवादको नेतृत्वका लागि पार्टीलाई तयार गरौँ“ भन्ने मूल नाराका साथ एकदिने राजनीतिक तथा वैचारिक प्रशिक्षण कार्यक्रम सम्पन्न गरेको छ ।
शनिबार सदरमुकाम मान्मस्थित समन्वय हलमा आयोजित कार्यक्रममा पार्टी केन्द्रीय सदस्य पार्टि जिल्ला सेक्र्रटरी बलवान सीको सभाअध्यक्षता तथा प्रशिक्षणका प्रमुख अतिथि पार्टी स्थायी समिति सदस्य तथा कर्णाली प्रदेश इन्चार्ज शुसिल सीको प्रमुख आतिथ्यतामा संचालन गरिएको कार्यक्रममा पार्टी PPM तथा स्कुलिङ विभाग प्रमुख भेषराज सी ,पार्टि केन्द्रीय सदस्य विवेक सी लगायतका नेता तथा कार्यक्रताहरूको बाग्लो उपस्थितीमा राजनीतिक तथा वैचारिक प्रशिक्षण कार्यक्रम सम्पन्न भएको हो ।
नेताहरूले प्रशिक्षणमार्फत समाजवादी व्यवस्थाका लागि पार्टी संगठनलाई अझ सशक्त बनाउने, जनसम्पर्क सुदृढ गर्ने तथा समसामयिक राजनीतिक विषयमा छलफल भएको नेपाल कम्युनिस्ट पार्टी रास्कोट नगर कमिटीका अध्यक्ष निर्देशन सीले जानकारी दिनुभएको छ।