काठमाडौँको – चन्द्रागिरि नगरपालिका-१०, बोसीगाउँमा गएराति १:२० बजेदेखि भीषण आगलागी भएको छ। रमेश पोदारद्वारा सञ्चालित आरएमबी प्लास्टिक प्याकेजिङ हाउसमा सुरु भएको आगो अझै पूर्ण रूपमा नियन्त्रणमा आउन सकेको छैन।
प्रहरीका अनुसार, आगलागी नियन्त्रणका लागि सातवटा दमकल र १५ वटा पानी ट्यांकरको प्रयोग गरिएको छ। हालसम्म ९० प्रतिशत आगो नियन्त्रणमा आइसकेको छ, र बाँकी निभाउने प्रयास जारी छ।
आगो नियन्त्रणमा चन्द्रागिरि नगरपालिका, विशाल बजार वारुण यन्त्र, बालाजु, ललितपुर महानगरपालिका, भक्तपुर नगरपालिका, बौद्ध रामहिटि र बुढानीलकण्ठ नगरपालिकाका दमकलहरू परिचालित भएका छन्।
यो आगलागी हिराकाजी महर्जनको जग्गामा भाडामा सञ्चालित प्याकेजिङ हाउसमा भएको थियो।