तिलागुफामा न्यायिक समिति र मेलमिलाप केन्द्रको अभिमुखीकरण सम्पन्न

कालिकोटको तिलागुफा नगरपालिकामा न्यायिक समिति र मेलमिलाप केन्द्रको कार्य सञ्चालन सम्बन्धी दुईदिने अभिमुखीकरण कार्यक्रम सम्पन्न भएको छ।
नगर उपप्रमुख तथा न्यायिक समितिका संयोजक महेन्द्रबहादुर शाहीको अध्यक्षतामा सम्पन्न कार्यक्रममा नगरप्रमुख शङ्करप्रसाद उपाध्याय प्रमुख अतिथि थिए। कार्यक्रममा कालिकोट जिल्ला अदालतका न्यायाधीश डोलनाथ न्यौपानेसहित मेलमिलापकर्ता, न्यायिक समितिका सदस्य र सरोकारवालाको उपस्थिति थियो।