कालिकोट – युवा संगठन नेपालका केन्द्रीय अध्यक्ष दिनेश सीले आफ्नो संगठनले समाजमा व्याप्त सबै प्रकारका बेथितीविरुद्ध सशक्त रुपमा लड्ने बताएका छन्।
युवा संगठन नेपाल कालिकोटद्वारा आयोजित भ्रष्टाचार विरुद्धको जागरण अभियानको ताडीमा उद्घाटन गर्दै अध्यक्ष सीले युवाहरु भ्रष्टाचार हुन नदिने र यदि कसैले भ्रष्टाचार गरेको थाहा पाएमा कडा कारबाही गर्ने चेतावनी दिए।
उनले देशमा भ्रष्टाचार बढ्दै जानु, राष्ट्रियता कमजोर हुनु र लोकतन्त्र विरोधी शक्तिहरु सक्रिय हुनुलाई सामान्य घटना नभई देशलाई कमजोर बनाउने योजनाबद्ध षडयन्त्र भएको दाबी गरे।
अध्यक्ष दिनेश सीले युवा संगठन नेपाल सधैं जनताको समस्या र दुःखमा साथ दिँदै आएको र सबैखाले बेथितीविरुद्ध संघर्ष जारी राख्ने बताए। उनले दलालहरुले जनतामा फैलाएको भ्रमलाई चिर्दै उनीहरुका षडयन्त्रहरुलाई परास्त गर्न युवा संगठन तयार रहेको दृढता व्यक्त गरे।