काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ घरको बाथरुममा लडेर घाइते भएका छन्। गए राति करिब १२ बजेतिर लडेपछि उनलाई उपचारका लागि मेडिसिटी अस्पतालमा भर्ना गरिएको छ। अस्पताल स्रोतका अनुसार उनको अवस्था अहिले सामान्य रहेको छ।
आकस्मिक कक्षमा उपचारका क्रममा प्रचण्डले आफू बाथरुम जाने क्रममा अल्झिएर लडेको बताएका छन्। उनको टाउकोमा चोट लागेको र तीन टाका लगाइएको अस्पतालले जनाएको छ। सिटीस्क्यान रिपोर्ट सामान्य आएको र अहिले उनलाई वार्डमा राखेर उपचार भइरहेको छ। अस्पताल स्रोतले दिएको जानकारी अनुसार प्रचण्डले बिहानै घर जान चाहे पनि दिउँसोसम्म डिस्चार्ज हुने सम्भावना छ।
प्रचण्डकी छोरी गंगा दाहालले पनि बाथरुममा चिप्लिएर निधारमा सामान्य चोट लागेका कारण अस्पताल भर्ना गरिएको जानकारी दिएकी छन्।