कालिकोट – तिलागुफा नगरपालिका–८ मा अवस्थित हिड्ने माडु आधारभूत विद्यालयका ७५ जना विद्यार्थीलाई करिब ७० हजार रुपैयाँ बराबरको न्यानो कपडा वितरण गरिएको छ।
चिसो मौसमका कारण विद्यार्थीहरूलाई पठन–पाठनमा पर्ने कठिनाइलाई मध्यनजर गर्दै उक्त न्यानो कपडा नेकपा (माओवादी ) का केन्द्रीय सदस्य तथा युवा नेता धनराज शाहीको पहलमा वितरण गरिएको हो।
काठमाडौंका विभिन्न क्षेत्रबाट संकलन गरिएको न्यानो कपडा बोकेर शाही स्वयं कर्णालीको विकट जिल्ला कालिकोट पुगेका थिए। राजधानीबाट दुर्गम क्षेत्रसम्म पुगेर विद्यार्थीहरूलाई न्यानो कपडा वितरण गर्नु मानवतामूलक र सामाजिक उत्तरदायित्वको उदाहरण बनेको स्थानीयले बताएका छन्।
कपडा वितरण कार्यक्रमलाई सम्बोधन गर्दै नेता शाहीले भने,
“कर्णालीका विद्यार्थीहरू अझै पनि आधारभूत आवश्यकताबाट वञ्चित छन्। उनीहरूको शिक्षा निरन्तरताका लागि सानो भए पनि सहयोग पुगोस् भन्ने उद्देश्यले यो पहल गरिएको हो।”
कार्यक्रममा स्थानीय नेता नरेन्द्र चमार, वडा अध्यक्ष तिलक न्यौपाने लगायत शिक्षक, अभिभावक तथा स्थानीय समुदायको उल्लेखनीय सहभागिता रहेको थियो।
स्थानीयवासीले दुर्गम क्षेत्रका बालबालिकाको भविष्यप्रति चासो देखाउँदै गरिएको यस प्रकारको सहयोगले शिक्षा र सामाजिक चेतनामा सकारात्मक प्रभाव पार्ने विश्वास व्यक्त गरेका छन्।
कपडा वितरण कार्यक्रमलाई सम्बोधन गर्दै नेता शाहीले भने,
“कर्णालीका विद्यार्थीहरू अझै पनि आधारभूत आवश्यकताबाट वञ्चित छन्। उनीहरूको शिक्षा निरन्तरताका लागि सानो भए पनि सहयोग पुगोस् भन्ने उद्देश्यले यो पहल गरिएको हो।”
कार्यक्रममा स्थानीय नेता नरेन्द्र चमार, वडा अध्यक्ष तिलक न्यौपाने लगायत शिक्षक, अभिभावक तथा स्थानीय समुदायको उल्लेखनीय सहभागिता रहेको थियो।
स्थानीयवासीले दुर्गम क्षेत्रका बालबालिकाको भविष्यप्रति चासो देखाउँदै गरिएको यस प्रकारको सहयोगले शिक्षा र सामाजिक चेतनामा सकारात्मक प्रभाव पार्ने विश्वास व्यक्त गरेका छन्।