भेटवार्तामा नेकपाका नेता भरत सीले मुख्यमन्त्री सोडारी समक्ष कम्युनिस्टहरुलाई सक्ने गरी साम्राज्यबादी हस्तक्षेप बढिरहेको बताउदै यो बेला कम्युनिस्टहरुबीच एकता जरुरी भएको धारणा राख्नुभएको थियो ।

उहाँले कम्युनिष्ट एकतासंगै व्यबहारमा नयाँपन देखाउने गरी अगाडि बढ्नुपर्ने विचार राख्नु भयो । कम्युनिष्टहरुमा एकता नहुने हो भने नेपाल पश्चिम बङगाल,चिली अथबा पेरु बन्ने खतरा रहेको औल्याउदै नेता भरतले भन्नुभयो ‘नेपाल कम्युनिष्ट पार्टीले जनश्रम सहकारी मार्फत देशैभरी काम गरीरहेको छ, आफुहरुले कृषि कार्य ,खेती र उद्योग सञ्चालन गरिरहेका छौ,यसमा सरकारको सहकार्य जरुरी छ ।’

भेटवार्ताका क्रममा नेता भरतले अब देशको आर्थिक बिकासका लागि एकीकृत स्वामित्व अन्तर्गत जानु पर्ने बताउनुभयो । उहाँले कृषि कार्यबाट फाइदा छैन भन्ने भाष्यलाई चिर्दै नेपाल कम्युनिष्ट पाटीले देशैभर नेता कार्यकर्ताहरुलाई उत्पादनसंग जोडेको र यसमा सरकारले स्वामित्व लिनु पर्ने बताउनुभयो ।

नेता भरतले बजेट, नीति तथा योजना बनाउदा विचौलीयाहरुको साँठगाठ रोक्नु पर्ने र जनमुखी बजेट ल्याउन मुख्यमन्त्री सोडारीलाई सुझाव दिनुभयो ।

मुख्यमन्त्री सोडारीले भेटवार्ताका अवसरमा नेकपाका नेता भरत सीले राखेको धारणा र सुझावमाथि धारणा राख्दै नेपाल कम्युनिष्ट पार्टीले राखेको अहिलेको विचार र योजना सहि भएको बताउनुभयो ।

उहाँले उत्पादनका दृष्टिकोणले सुदूरपश्चिम प्रदेश सरकारले पनि विप्लव नेतृत्वको नेपाल कम्युनिष्ट पाटीबाट सिको गर्नु पर्छ भन्ने छलफल चलेको बताउनुभयो । उहाँले कृषि क्षेत्रमा उत्पादन बढाउने गरी बजेट विनियोजन गरिने बताउदै पहाडमा भट्मास र तराईमा धान र गहुँमा जोड दिने र नेकपासंग सहकार्य गर्नेबताउनुभयो ।

मुख्यमन्त्री सोडारीले फलफुल तथा अन्य तरकारी खेतीमा पनि सुदूरपश्चिम प्रदेश सरकारले विशेष चासो दिएर काम गर्ने विश्वास दिलाउनु भयो । भेटबार्तामा नेकपाका कैलाली जिल्ला ईन्चार्ज तथा केन्द्रीय सदस्य प्रकाश सी,युवासंगठन नेपाल सुदूरपश्च्मि प्रदेशका इन्चार्ज सुशिल सी लगायतका नेताहरुको पनि सहभागिता रहेको थियो ।