बर्दिया । अखिल (समाजवादी) बर्दियाको जिल्ला भेला साउनमा गर्ने निर्णय भएको छ । अखिल (समाजवादी) बर्दियाका अध्यक्ष कोपिला सीको अध्यक्षतामा बबई बहुमुखी क्याम्पस गुलरियामा आईतवार बसेको दोस्रो पूर्ण बैठकले यस्तो निर्णय गरेको हो ।
बैठकले शैक्षिक रुपान्तरण तथा संगठन सुदृढ अभियानलाई भब्यतापूर्बक सम्पन्न गर्ने, स्थानीय तह र जिल्ला समन्वय इकाईमा समसामयिक शैक्षिक सवालबारे मागपत्र पेस गर्ने र प्रत्येक महिनाको पहिलो शुक्रबार सृजनात्मक क्रियाकलाप गर्ने निर्णय गरेको छ ।
बैठकलाई नेकपाका केन्द्रीय सदस्य तथा बर्दिया जिल्ला इन्चार्ज हिमशिखरले सम्वोधन गर्दै देश परिवर्तनको मुख्य जिम्मेवारी युवा विद्यार्थीको काँधमा आएको बताउनुभयो ।
उहाँले नेपालमा दलाल संसदीय व्यवस्था पूर्ण असफल भएको ठोकुवा गर्दै त्यसको विकल्पमा नेपाली विशेषताको समाजवाद आवश्यक भएको बताउनुभयो ।
नेता हिमशिखरले नेपाली विशेषताको समाजवाद ल्याउने अभियानमा युवा विद्यार्थीहरु एकताबद्ध भएर लाग्नु पर्ने विचार राख्नु भयो ।
बैठकले संगठनलाई ब्यबस्थित परिचालन गर्न र आगामी योजनालाई प्रभावकारी लक्ष्य हासिल गर्न जिल्ला समितिको कार्य बिभाजन समेत गरेको छ ।
जस अनुसार बबई बहुमुखी क्याम्पस कोपिला सी र पारस सी, चुरे क्याम्पस संगीता सी, बर्दिया क्याम्पस पुनम सी र सानू सी, अमर सहिद दशरथ क्याम्पस राजापुर आर एन सी, शारदा क्याम्पस मैनापोखर सुस्मिता सी, नेरा मावी ढोडरी संदिप सी, त्रिभुवन मावी रबिना सी र चुरे मावी बग्नाहमा कमल सी रहेका छन् ।
बैठकमा विद्यार्थीका लुम्बिनी प्रदेश इन्चार्ज मदन सी, सह-इन्चार्ज विज्ञान सी, जिल्ला इन्चार्ज हरि सी, केन्द्रीय सदस्य तथा छात्रा बिभाग प्रदेश इन्चार्ज संगीता सी र बाँके जिल्ला अध्यक्ष सागर सीको पनि उपस्थिति रहेको थियो ।