जनवाणी
शनिबार, ०८ असार २०८१
काठमाडौँ – नेकपा (माओवादी केन्द्र) का उपाध्यक्ष अग्निप्रसाद सापकोटाले नेपालका कम्युनिष्ट पार्टीको पुनर्गठन छिटै हुने तयारी भइरहेको बताएका छन् ।
काठमाडौंमा आयोजित एक कार्यक्रमलाई सम्बोधन गर्दै उनले मुद्दा मिल्नेहरुसँग खुकुलो प्रकारको मोर्चा बनाइ वृहत वामपन्थी एकीकरण गर्ने तयारीमा रहेको बताए ।
उनले कम्युनिष्ट पार्टीलाई विगतमा बचाउ नसकिएको उल्लेख गर्दै अहिले बनेको नयाँ समीकरण हुँदै वृहत वामपन्थी एकीकरण र कम्युनिष्ट पार्टीको पुनर्गठनतिर अघि बढिरहेको जिकिर गरे ।
पूर्ब सभामुख सापकोटाले वामपन्थी एकीकरणले सरकार र देश चल्दैन भन्ने टिप्पणी आइरहेको भन्दै उक्त विचार पूर्ण रुपमा खारेज गर्नुपर्ने बताए नेपाली जनता कम्युनिस्ट मन पराउने मात्रै नभइ फेरि कम्युनिष्ट पार्टीको एकता चाहेको र एसले नेपालको बामपंथी आदोलनलाई निकै उचाईमा उठाउने बताए ।