काठमाडौं – तीनकुनेस्थित एक भवनमा भएको आगलागीमा परी एभिन्युज टिभीका पत्रकार सुरेश रजकको निधन भएको छ। राजावादीहरूको प्रदर्शनका क्रममा भएको झडपपछि सो भवनमा आगलागी भएको थियो।
घटनाको रिपोर्टिङका लागि छतमा पुगेका रजक सम्पर्कविहीन भएका थिए। एभिन्युज टेलिभिजनका सम्पादक शिव दाहालले उनको खोजी भइरहेको र अस्पतालमा पनि नभेटिएको बताएका थिए। पछि, उनलाई मृत अवस्थामा भेटिएको थियो।
एक अर्का पत्रकारले प्रहरीलाई जानकारी गराउँदा पनि समयमै उद्धार नभएको आरोप लगाएका छन्। घटनाको थप अनुसन्धान भइरहेको छ।