काठमाडौं – राष्ट्रिय प्रजातन्त्र पार्टीका अध्यक्ष राजेन्द्र लिङ्देनले तीनकुने घटनाको निष्पक्ष छानबिनको माग गर्दै संसदीय बैठकमा न्यायिक आयोग गठनको माग गरेका छन्।
संसद बैठकमा बोल्दै उनले सबिन महर्जनलाई गोली किन हानियो, छतबाट किन म्याद सकिएको अश्रुग्यास र गोली प्रहार गरियो भन्ने प्रश्न उठाए। उनले घटनाको छानबिनका लागि न्यायिक आयोग गठन गर्नुपर्ने माग गरेका हुन्।
चैत १५ गते दुर्गा प्रसाईंको नेतृत्वमा भएको राजतन्त्रको समर्थनमा भएको प्रदर्शनमा तीनकुने क्षेत्रमा तोडफोड, आगजनी र लुटपाट भएको थियो, जसमा दुई जनाको मृत्यु भएको थियो। राप्रपाले पनि सो प्रदर्शनमा समर्थन जनाएको थियो।