काठमाडौं – नेपाल कम्युनिस्ट पार्टी (नेकपा) ले १५६ औं लेनिन जयन्ती र ७७ औं कम्युनिस्ट पार्टी स्थापना दिवसको अवसरमा आयोजना गरेको एक कार्यक्रममा विभिन्न वामपन्थी दलका ७७ जना नेता तथा कार्यकर्ता नेकपामा प्रवेश गरेका छन्।
नेकपा (माले) का केन्द्रीय सदस्य तिलक न्यौपानेसहित ९ जना सम्पर्क मञ्चबाट, नेकपा एमालेका राजु नेपालीमार्फत ४ जना, एसएस कलेज कीर्तिपुरबाट नेकपा ध्रुवीकरणका वसन्त रावलसहित ७ जना, स्वतन्त्र देशभक्त राजनैतिक मञ्चका अध्यक्ष तेजप्रसाद बुढासैनी र उपाध्यक्षसहित १० जना, नेपाल तेस्रो च्याउ विज्ञ ऋषि लाल तामाङ, नेपाली कांग्रेसका क्षेत्रीय समिति सदस्य तथा राष्ट्रिय अनुसन्धान विभागका पूर्व एसपी वीरबल थापासहित ४ जनालगायत गरी जम्मा ७७ जना नेता तथा कार्यकर्ता नेकपामा प्रवेश गरेका हुन्।
महासचिव विप्लव सी र पार्टी प्रवक्ता प्रकाण्ड लगायतका नेताहरूले नवप्रवेशीहरूलाई स्वागत गरेका थिए। महासचिव विप्लव सीको अध्यक्षतामा सम्पन्न कार्यक्रमको सञ्चालन प्रवक्ता प्रकाण्ड सीले गरेका थिए।